قيصده يراس الرمح للرادود باسم الكربلائي

[محمد الغزي]

بسم الله الرحمن الرحيم

السلام على الجسم السليب
السلام على الخد التريب



قصيده شاعر اهل البيت (احمد العبادي)

للرادود (الحاج باسم الكربلائي)


جاوب يراس الرمح



كل منحر الشايله .. چم لوعة وشچم جرح

أشتعرض لهل عايله .. جاوب يراس الرمح

يراس أصد يراس .. لبن أمي لو عباس

جاوب يراس الرمح

............

ويلي أمن أصد ويه الدرب .. ونار القلب تتلاهب

أبحسراتي

يتحدى صبري كل صعب .. تطلع غصب ماتندف

آهاتي

أنظر وچم راس .. يلوح لعيوني

وأندب العباس .. كافل أضعوني

وعالخد تصب دمعاتي

بين أخوتي أمدلـله .. مهيوبه عفت الوطن

لأني سبيه أبفله .. ويلاه يغدر الزمن

وأسمع شتم أرجاس .. لبن أمي لو عباس

جاوب يراس الرمح

.........

رد يارمح وأذكر أمس ضي الشمس .. وحسين

أخويه أقبالي

لو كتلك عودك مايحس من ألتمس .. وأشرح هضم

دلالي

دم نحر عباس .. من خضب راسك

لابد النوماس .. حرك أحساسك

وأدري بنحر كفالي

براس الأخو الحامله .. غيرة وجبل من وفى

وظعني البدر كافله .. حي وأبد ماغفى


يلوق لمن النوماس .. لبن أمي لو عباس

جاوب يراس الرمح

..........

قر يارمح بالمظلمة .. أبهالمحكمة .. ندري الذنب مو

ذنبك

دم السفك أشرف دمه .. أرض وسمه ..

وبهالنحور أمخضبك

أحفظ الشالك .. وأشهد أعلى الصار

وسولف أهوالك .. للنبي المختار

وأنقل مصايب دربك

أروي القصص كاملة .. وأعرضها يوم الحشر

سولف لعقد الولة .. وجدامة شنهو العذر

وشتعتذر هالناس .. لبن أمي لو عباس

جاوب يراس الرمح

............

جاوب يروح النايبة .. وشتجاوبة .. الينظر خضاب

أبراسك

من يانحر طبعه الابة .. ومن خضبة .. وأعرف ذنب

حراسك

تدري نحر حسين .. ينفس شمه

وتدري بالكونين .. منزلت أمه
ومنهن أخذ مقياسك

نحرة النبي القبلة .. شتريد أعدد شرف

راسه الذكر رتلة .. وأشفافة تقرا الكهف

دوم الشرف ينقاس .. لبن أمي لو عباس

جاوب يراس الرمح

............

صد يرمح جمر الغضه .. من تعرضه .. ابدرب

اليسر جدامي

وأنشدني عن ليل المضه .. شلون أنقضه ..

وأنشدني عن أيتامي

أبلازلم ضلت .. تحرس الصيوان

وبالخيم لهبت .. يالرمح نيران

بس الحرم بخيامي

أشرواني طف كربله .. ماظل لادمع لاصبر

ويا موقف أتحمله .. وشوف الرزيا أشكثر

أمن أنظر طفل ينداس .. لبن أمي لو عباس

جاوب يراس الرمح

.............

شحچي وشسولف يارمح .. عن ياجرح .. عن

ياهضم بيش أبدي

صعدت شموسك يارمح .. ويا الصبح .. كلهن قطع

من چبدي

من تصد عيني .. لرووس ولياني

والله تاذيني .. لوعة أحزاني

غير الدمع أنا ماعندي

بس دمعتي الهاملة .. تلهب جمر عالوجن

حسراتي متواصلة .. بيها القلب منتحن

وشيحمل الأحساس .. لبن أمي لو عباس

جاوب يراس الرمح


للاستماع

من هنـــــــــا