ومضات شعريه

[عبد الرماحي]

لحيت اعله ابويه وكَتله بيع البيت
يمهم بيت بويه وخاف يتأجر
فرح والله ابويه وكَام ينطي اللوان
طلع حتى ابويه عليج هم يفتر
:eh_s(4):
احبك حب ولامر اعله انسان
وتدري اشكد احبك راح افهمك
احلمت بالجنة انه وانت بالنار
اكفر كمت حتى انتقل يمك

:eh_s(1):

علي بايع ثكل جـــنك مـــــداير بال
وأنة ابكلبك ادري تشــتعــــل ناري
والله اتحبني ادري وبية حيل اتموت
وتتمنة تجـــــيــني وتسمع اخباري
:eh_s(13):
اجلالاً الك ارموشي توكف حيل
من طيفك يمرني وتخجل اجفوني
بس تهمسلي بيدك ارجف من الحر
ماتحجي وشوف ايسمعن اعيوني
احتاريت وادري من الحلات البيك
شفت اشلون شفتي تعضني بسنوني ؟؟

:eh_s(16):

كاعد يمي اشوفك ايد فوگ الايد
ومفتون بحلاتك والگلب يسعر
تگرب يمي خدك وانه اگلك روح
خافن بس ابوسك يصعدالسكر

:eh_s(14):
الجائز والمحال انطبكن بدنياك
وحديت الجمال وصرت انت الحد
يبوس الشفه خدك عكس كل الناس
وبعين اليشوفك حتى رجلك خد

:eh_s(9):


السر ... اللي بمحبتك .. من اريد انساك ...
شما انساك ... احبك اكثر ،، واكثر
انسه .. وانشغل .. وبعزة النسيان ..
اتذكّر نسيتك ... وارجع اتذكّـــــر
:eh_s:
اذا ساس البشر من الرمل والطـــــــين
انته من الذهب بس منصنع ساســـك
واذا تسعه من عشره ليوسف الحلوين
انته العشره كلهه بشعره من راسك

:eh_s(15):
أكــــول مزاعـلك حتى أنه أراضيك
لأن وكت الصلح تغفه أيـدي بيدك
وأكـــلـك ماأريــدك خـاطر أتـشوف
أحــبـك حـتــى لــمن مـا اريدك
منقول لعيونكم الحلوات

[كريم السيد]

الله الله على الومضات الجميله
والله روعه
تقبل المرور ودمت بود

[الفرزدق]

جميل يارماحي ابدعت شكرا جزيلا
ننتضر الجديد من الابداع

[عبد الرماحي]

كريم السيد والفرزدق انتم الاحلى من الجميل
مروركم اسعدني
لكم ودي

[LOST]

شكرا عيني عبد وانا الصراحة اعشق الومضات وياريت تزيدنا منها

تحياتي

[الهجري]

شكتبلك اذا كلك شعر من ساسك الراسك
ماعاش اليرد عليك وانت الادب بانفاسك
يابحرالقصيدة شلون خايب يرد غواصك
تستاهل رموش العين تمسح غلط قرطاسك

[شاعر الاهوار]

ومضاتك جميلة وتستحق اعجاب
ومليانه مشاعر مالها حدود
يرماحي كلامك بيه جمال هواي
اقدملك شكر وياه باقه ورود

تقبل حضوري اخي الغالي عبد الرماحي

[ابو شهد العبودي]

الله الله على الومضات الحلوه شلونك ابومسار هاي الايام المنتدى منور بوجودك شلونه النت وياك ههههههههههههه

[قلعة سكر]

ننتضر الجديد من الابداع

[ام مسره]

تسلم تحياتي وهذا الابداع الرائع
تقبل مني لقليل