اجمل القصائد الشعبيه العراقيه لعشاق الشعر الشعبي والزهيري

[الباوي]

منهو ضعيف البخت الكال منحبكم
واحنه عطاشة ونروم الماي من حبكم
واحنه الزرعنه كلبنه ورود من حبكم
واصبح دليلي كطن بيه الليالي اندفن
وتظل جروح تندي وايندفن
ان جاكم خبر ان المرسل مات واندفن
اعلم تراني متت يازين من حبكم

ياصاح گلبي في غرامك تكطع وصل
والحيل مني ركد لحد المفارك وصل
اسئلك بالذي اسرى وعرج عند الاله وصل
ترحمني بمحبتك واحسبه الك زينه
والهدب ياصاحبي بكل الكحل زينه
كالو بالحكم انو العقل زينه
والعگل من هجركم مثل المجمع وصل

صاغك الهي ذهب من كل غلط عدلك
وخلا الوفا ياترف من دون الخلك عاد الك
لواشبهك بالكمر مااظن الكمر عادلك
حيث ان القمر قدم عرضة وطلب
يريد من عندك حسن من نور وجهك طلب
لوردت روحي تجي غالي ورخيص الطلب
لوردت شنهي الروح افديها برخص عادي لك

والخلق هاي السما وبلا عمد شالها
لأعلك عيوني ضوة وضلوعي ممشى لها
ذوبت عزمي وهواهالهمّّّتي شلها
يا ربي كل هالحسن وتريدنا ما نزل؟
والروح خضرة وترانه بحيلنه ما نزل
تدرون ليش الكمر ضل فوكًُ ابد ما نزل؟
عن لا يتيه بليل فاحم لو وكع شالها

[الفرزدق]

اخي الباوي زهيري جميل شكرا ننتضر الجديد

[كريم السيد]

احسنت اخي الباوي زهيريات جميله بالفعل
تقبل تحياتي

[شاعر الاهوار]

الاخ الباوي
شكرا لابداعك المتميز الرائع
ننتظر المزيد من طيب الكلام
تقبل حضوري مع التحية
اخوك شاعر الاهوار

[الباوي]

انرتم متصفحي جميعا تحياتي لكم

[::: Daivd_iraQ :::]

شكراااا لك اخي الغالي
ننتظر الجديد لك كل الود والاحترام

[الباوي]

اشكرك اخي ديفد على المرور العطر

[جمال عواد الجبوري]

المؤلفة بقلمي...........اتمنى ان تنال اعجقصائد [size="4"][/si لخبار الاحباب جينه بهالمسيه... نجس
يا ايد النسالم بعد يا ايد نكَدر... نجس
مو كل حجي ينحجي خايف عليكم... نجس
واعصابنه الفالته نضبطها ابد ... منثور
وانلم بكَايه الحجي ان جان الحجي... منثور
وانت الترجه لبن يا صاحبي من ... ثور
غم راي عكََلك ولك يا ثور ثديه ... يدر
ودايم تدك عل تنك وتصيح غالي ... يدر
الما يدري مو مشكله اشلون بلي ... يدر
مرافج بنادم ردي ملعون طبعه... نجس




حبل المودة حبيبي ارجوك بس متنة
وتدري علي ضيعت بجفاك بسمتنة
شكد مضى على حبكم ياترف بس متنة
سنين وتنى على هرشك يول وشجرى
ولو جاي جان بصرت فوك الخدود شجرى
تدري يغالي بعد هجرك علية شجرى
ماجرى كلشي يساهي العين بس متنة





افقد احبابي ودمعتي تسيل حدارة
وتعوم نار الجفا بضلوع حدارة
طحت بمصيبة ولا باصحاب حدارة
واصبحنة ميتين بس الغير حيرنة
والهضم دون الخلق محيار حيرنة
امر الليالي وحق الله حيرنة
للغير تزهي وعلينة تعوم حدارة




إشــعندك عـله ديـرتي رايــح عليهـه إوراد
لا تـظن عـــنـدي الــك تلگــه الجــواب اوراد
حســـبالك انســـه المضـه وانثر الدرب اوراد
عـقـدتـك يــا صـاحـبي مـا بيـهه ابـد كـل حـــل
لايـــوم عني اسئـــلـت ولا گــلت كيف الحــــال
حـچـــي الـعـواذل عـجـب بـيني وبـينـك حــــال
وفـرگــتـنـه صــارت هـدف .. للـي تـمنه إوراد



يســحر حــلو مبسمه تـفـاح حاوي برد
اشكثر شوك ارسلت ما منه احضه ابرد
ضلوعي ألأله حامـيه طايــح عليهه برد
ما خلـه منهن عـدل جزهن ابقسـوه وتل
ومــا ادري شـنهو بعـد يجره عليّه وتال
ظـليت اون ممتـحـن .. ذبني بأعالي التل
لا هـمته دمـعتي .. ولا گـال ياخــذ بــرد


دار الاحباب رحلت ومن غيرهم دارنة
والزمن صد وجفا وعن احبابنا دارنة
راحت ايام الصبا ةهمش زماني دورنة
ايام جنة نجم يا صاحبي بسماهم
ياما حفضنا العهد ياما لهجنة بسماهم
ان جان دار الزمن صدكني بس ما هم
ضلينة بذاك الوفة ورغم الزمن دارنة

ze]

[تمارا]

مشكوووووووووووووووووووووووووووووووور