المساعد الشخصي الرقمي

مشاهدة النسخة كاملة : قصيدة امي(للشاعر محمد العاگوبي)


LOST
10-13-2012, 06:34 PM
امي نعمه منين ما طبلهه خير منين ما عاين على امي الكاهه خير
امي دولة مستحه وعالم شريف ومن نجوع , طحين ينكث مستحاهه
وعلى شفاف امي اشم ريحة رغيف , امي شجرة ومايهه تربات ابوي
وعشعشن عفه وبخت بغصانهه ,
امي من تغندب توقع شيصير تغندب الجنه وتسد بيبانهه
امي رايه وتختلف راية ضماير . امي ياعفه وشرف طاري العشاير ,
امي من تنكل جدمهه ادخيل جدهه ترابهه يخضر مناير .
امي من اشتاك لله امشي اطوفنهه انحسب عند الله زاير .
امي يا اول فرد صارت رئاسة , امي من تحجي وعلي تخرس السياسه ,
امي ندين بكلبهه شايله الحب والشراسه ,
وجنة الله تحت جدم الامهات واليريد الجنه منكم خلي امه ادوس راسه ,
ومستحبه كبال عين امي الصلاة ومن تكلي شلون اكلك جي شفت رمح المصايب لاچهه ,
وجي شفت صدر امي حضرة
يعني بيام الطفوله جنه ما نرضع صدرهه انبوس بشباجهه ,
امي كد ما تحب حيدر انتبه للما يلي مرة دك الباب سائل فرحت
امي وطلعتله اشماغ ابوي ولفته وكالتله هاك وهاتلي اشماغك الي ,
حشمت يمه شعلامج يمه نملك نعمة الله نهضمت البعد اهلي وشمة
اردان الفقير وصاحت امي مو اكلك والله بي ريحة علي ,
امي هلكد تحب حيدر , امي عكس الحرم تلبس شيله خضرة هذا زي امي الاساسي ,
ومرة ناشدت الحنينه يمه وشيعني الخضار جاوبت رغم المآسي راية
العباس صارت شيلة امك حته مثل الرايه اضل مرفوع راسي ,
امي كعبه والاطفال الهه حجيج وحدر جدم الوالده اتلبي الصفوف ,
ولهذا امي بزغرنه لبستنه هدوم بيض وكل دللول بحضنهه نشبك الشيله ونطوف ,
اكتشفت امي قضيه , امي يا بنت الرميثة الماتحب الطائفيه ,
لأن مرة بجفهه كرصه اطتني ثلمه وضمت الباقي ليتامه الناصريه ,
مو اكلك امي خير امي نعمه والدليل مرة ما عدنه عشه وبسنين عوز اطفال ما عدنه ابو يكد ويجيب ,
انهضمت امي وعينهه بعين الله صارت وبقت تدعي يا مجيب يا مجيب يا مجيب
واستجاب الله دعاهه ودنكت لن عينهه تنكط حليب ..
الشاعر // محمد العاكوبي الرميثي

http://www.youtube.com/watch?v=rLrxEjFaZYM

عاشقة الاحلام
10-13-2012, 06:40 PM
الله الله اختيار رائع
الله يخلي لي امي
الله يوفقك لوست ويحفظ الك الوالده يارب
الف تحية

LOST
10-13-2012, 06:47 PM
نورتي خالة زهراء
ربي يخلي كل الامهات بحق محمد وال محمد

بدآيه ربيع
10-13-2012, 06:47 PM
حلوة منك لوست ...دايما مبدع
صحيح مش كلها مفهومة بس المعنى وصل ..
تحياتى

LOST
10-13-2012, 07:11 PM
تحياتي الج نرجس الي ما فهمتيه كوليلي بلكي اگدر اوصلچ الفكرة
تحياتي

سيد حامد المطروحي
10-13-2012, 08:39 PM
الشاعر محمد العاگوبي شاعر مبدع كــ روعتك سلمت اناملك ...
تقبل مروري

LOST
10-13-2012, 09:29 PM
نورت مولانا العزيز

مدرس_الرياضيات
10-13-2012, 11:57 PM
تحياتي اختيار جميل بالنسبة للام هي قصيده بدون شاعر بدون كلمات منكدر انوصفه تحياتي لكل الامهات وياربي يحميهن ويسعدهن

وجدان
10-14-2012, 08:41 AM
غايه في روعه
بوركت جهودك
ودام ابدعك

أبن أبراهيم
10-14-2012, 09:46 AM
الام ام
ولكن مااجمل هذا الالقاء الساحر
موسيقى واغنية من نفس المصدر
مشكور حبيبي لوست
تحياتي

LOST
10-14-2012, 05:04 PM
شكراً لكم اخوتي الافاضل على المرور