المساعد الشخصي الرقمي

مشاهدة النسخة كاملة : المجالس المحلية ورواتب تقاعد اعضاءها


عندان الزندوري
03-21-2011, 10:04 PM
الحقيقة اني لا ادري فقد يكون احد الزملاء طرح هذا الموضوع من قبل , فاعتذر عن الاعادة...المهم
ولكي نعرف من هم اعضاء هذه المجالس , فهم مجموعة الاشخاص الذين قاموا بكل حي او منطقة من مناطقهم بتوفير الغاز والنفط وما الى ذلك عند دخول القوات الامريكية الى العراق وتعذر قيام المواطنين العاديين بتوفير هذه الاحتياجات.
والان ناتي لاعدادهم , فانهم بحسب الارقام الاولية التي قدمت ورفضها مجلس المحافظة يتعدى العشرة الاف عضو !
ثم كم فترة خدمتهم هذه ؟ لا اعتقد انها تتعدى الستة اشهر في احسن احوالها –لست متاكداً فعلاً-
المهم بعد هذه المقدمة فان خدمتهم مقارنة باي موظف في الدولة لن تتعدى ثلاثة في المائة –هذا مقارنة مع الشرطة الذين يحق لهم تقاعد بعد 15 سنة والا النسبة ستكون ضئيلة جداً مقارنة مع موظفي الدولة الاخرين- ,
نأتي الان الى قاصمة الظهر وهي ان هؤلاء يراد اعطاءهم تقاعد ما يسمونه معاون مدير عام , وبلغة الارقام سيكون تقاعده تسعمائة الف دينار !!!بينما أي معلم –ربى اجيالاً لثلاثة عقود ربما- لا ياخذ اكثر من ثلثي هذا الراتب !!!
اذن هل برايكم هذه الدولة –اقصد مؤسساتها- سائرة بالطريق الصحيح؟هل هذه الدولة تفكر بالبناء السليم لمستقبل شعبها؟ نعم, المستفيدين من هذا القرار سيكون كلامي مراً في افواههم (بالمناسبة لست متضرراً على كل حال فانا اقبض راتباً جيداً مقارنة بالرواتب المتعارفة) ولكن هي حرقة قلب اردت طرحها في المنتدى من هذه الدولة التي ستدفع كل وارداتها رواتب بعد عدة سنين !!! اليس من الصحيح ولكي نكافئ هؤلاء الاشخاص ان نصرف لهم مكافأة ولتكن مليون لكل شهر بل مليونين ! لمرة واحدة , اما ان يحلبوا خزينة الدولة التي ارهقتها رواتب كبار موظفيها ومنافعهم لعشرات السنين هم واولادهم واحفادهم !!! فهذا هو الحمق بعينه , يعني لو فرضنا كمعدل ان كل محافظة فيها خمسة الاف عضو –احتمال اكثر- فالناتج لمحافظات العراق سيكون تسعين الف عضو !!!!يعني 275 مرة تقريباً بعدد اعضاء البرلمان!!!!
شكراً وتحية
ملاحظة (اسف اذا كان قد ورد أي معلومة غير صحيحة في نص المقال نتمنى على من يكون عنده معلومة دقيقة ان يصحح لنا)

ابو تبارك الناصري
03-21-2011, 10:23 PM
هلو عندانان

من الاخير مادام ذكرت الملاحظة : يسمونهم مجالس محلية اذا تقصد الي عملو مع المختارين اول الادارة المحلية

والمجالس البلدية هي المنتخبة وموجودة الان


المهم والله اني كلت يمكن للمرة المليون اذا حسبنة بعد فد جم دورة انتخابية ميزانية العراق ماتكفي تقاعدات من الفئة الي ذكرتهم واصع لمجلس الحكم

لا زم يكون قانون تقاعد لموضفي الدولة واضح ويحدد كل الدرجات الوضيفية

اتصور مسودة هذا القانون في مجليس الوزراء واكو ورشة دة تعمل عليهة وبيهة حتى تستثني الوزير المايكمل فترة 4 سنين لا يستحق تقاعد وكذلك البرلماني وباثر رجعي

يعني موضوعهم انطوى اذا اقر هيج قانون 0000 هههههههه هاي بس عددهم هواي خاف هم يسوون مظاهرات

اتصور راح تنصدم بجدار سميك خلال طرحها بالبرلمان

لذلك اني ارى لو يتم طرحها الان ولو بنسبة انجاز للمسودة 70% افضل لان وضع البرلمانيين شكلهم يقبلون اي شي هالايام وهاي مثل ما يكولون ايام ضعفهم 0000 لو الحكومة تستغل نقطة الضعف هاي لتمرير مثل هيج قوانين

خالد الطيب
03-21-2011, 10:26 PM
بدا اشكر الاخ عندان الزندوري على التسائل المسؤول في مقاله هذا ...ثم من المؤكد ان هولاء لا يستحقون هكذا رواتب تقاعديه مقارنة برواتب التقاعديه لغيرهم من موظفي الدولة.. بأعتبار خدمتهم لاتتعدى الستة اشهر وحتى ايضا للذين لازالوا في الخدمة ما بعد انتهاء ولاياتهم التي قاربت على الانتهاء . هذا من جانب .. ومن جانب اخر نحن في فتره المظاهرات سمعنا بأن مطالب المتظاهرين كانت من جملتها هي تلك الرواتب سواء كانت للحاليين او للمتقاعدين وهذا ايضا ينطبق على كل مسؤولي الدوله .. ولكن للاسف لازلت الحكومة غير مهتمه بهذا الجانب المهم ومستمره بنهجها الحالي الذي اذا استمر على حاله سيكلف الدوله في المستقبل رواتب تقاعديه لا طائل لها .. اتصور انها مشكله عويصه ومعقدة ولا تحل في الوقت الراهن . وكذلك الدوله الان لا تسارع في حللتها مع الكثير من القضايا الرئيسيه , مستفيدة مما يجري في البحرين من احداث وتطورات وانشغال الرأي العام للعراقيين فيها لتبعد عنها ضجيج المتظاهرين الذي ايقضها من سباتها .. اكرر شكري لكاتب المقال مع ودي واحترامي وتقديري

ابو تبارك الناصري
03-21-2011, 10:33 PM
بدا اشكر الاخ عندان الزندوري على التسائل المسؤول في مقاله هذا ...ثم من المؤكد ان هولاء لا يستحقون هكذا رواتب تقاعديه مقارنة برواتب التقاعديه لغيرهم من موظفي الدولة.. بأعتبار خدمتهم لاتتعدى الستة اشهر وحتى ايضا للذين لازالوا في الخدمة ما بعد انتهاء ولاياتهم التي قاربت على الانتهاء . هذا من جانب .. ومن جانب اخر نحن في فتره المظاهرات سمعنا بأن مطالب المتظاهرين كانت من جملتها هي تلك الرواتب سواء كانت للحاليين او للمتقاعدين وهذا ايضا ينطبق على كل مسؤولي الدوله .. ولكن للاسف لازلت الحكومة غير مهتمه بهذا الجانب المهم ومستمره بنهجها الحالي الذي اذا استمر على حاله سيكلف الدوله في المستقبل رواتب تقاعديه لا طائل لها .. اتصور انها مشكله عويصه ومعقدة ولا تحل في الوقت الراهن . وكذلك الدوله الان لا تسارع في حللتها مع الكثير من القضايا الرئيسيه , مستفيدة مما يجري في البحرين من احداث وتطورات وانشغال الرأي العام للعراقيين فيها لتبعد عنها ضجيج المتظاهرين الذي ايقضها من سباتها .. اكرر شكري لكاتب المقال مع ودي واحترامي وتقديري



الطيب ربما ما يزيد البلبلة اكثر هو الاعداد الكبيرة منهم حيث يذكر الاخ الزنداني ما يقارب 10000 واحد او اكثر كما قال

يعني هذولي لو يتضاهرون يصير عددهم اكثر من التصاهرة مال المطالب

وهيج راح يصير ضجيجهم اكثر وربما يعيد نومهم مرة اخرى لكن هذه المرة نومتهم نومة اهل الكهف ههههههههههه هاي

عندان الزندوري
03-21-2011, 10:46 PM
الزملاء احمد صقر ذي قار ,خالد الطيب بعد التحية
اشكر لكما متابعة ما ورد في الموضوع ,واعتذر عن العنوان اذ الصحيح
المجالس المحلية وليس البلدية حيث الثانية معروف عدد اعضاءها وهم منتخبون فعلياً -على الاقل-!!
صحيح احمد , اذا تظاهروا يسوون مشكلة , هاهاهاها, ولو اني اعتقد انه الحكومة هي اللي جاي تدعم الفكرة !! والا منو يدعمها ,او منو فكر بيها؟يعني شيء مريب حقيقة , ما صايرة بجميع المضارب لبني عبس او غيرهم !هاهاهاها
شكراً مرة اخرى وتحية

ابو تبارك الناصري
03-21-2011, 11:02 PM
حبيبي عندان

صايرة وسويناها

لا حبحب الحكومة متدعم هيج شي 0000 محد يدعم ينطي فلوس من عند ههههههههههه هاي هسة راح تكوك حجول امه 000 لا حب حتى لو مخلينة حارس ما ينطي للغير هسة اله منطقية بس للغير لا
وحتى لو بايكهن هم ما ينطيهن هههههههههه هاي

بعدين احنى ما نعرف بس الحكومة تدري فد نكتة عندي سجلتها بالفديو من الستلايت واحد بالازمة مال الحكومة يكول نطالب من الحكومة تشكيل الحكومة ههههههههههههه هاي


المهم كان كلامي جدل لا اكثر ولا اقل لا ينطي ولا ما ينطي


حبي اللي شرع هاي هو قانون المجالس المحلية والبلدية الي سنه البرلمان ولم يححد فترة خدمه العضو في هذه المجالس والقانو ن هذا اصدره البرلمان وليس الحكومة وصوت عليه واصبح نافذ من الدورة السابقة ولو هوة موجود من فترة بريمر الله يدلو بعمرو هههههههه هاي بس همة صوتوا عليه بعد التعديلات وبقيت كثير من فقراته غامضة فاستغلها هؤلاء وطالبو ونظمت لهم استمارات بانتظار تفسيرات لذلك القانون النافذ

المهم هسة تكول انت عايش بالواق واق ايوة نعم اني بنص الواق واق


بعدين تدري الحكومة لو بيدهة تشغل كل الموضفين بلوشي ههههههههه هاي

البكاء
03-21-2011, 11:20 PM
ولو انا عندي خلاف وي ابن اخوي عندان لان بس احجي يبلين بلوه كول ايحقق وياي وان مابيه حيل جان صفكته اجم اعكل بس اشويه اليوم تعبان لان اخذت الفروخ السيد ميس زارو


اول شيء انا امحضر روحي للانتخابات اليايه ومحضرلي 15 رمانه وبي كي سي واريد اعلكه
واول المرشحين ولو ماكو واحد ينتخبني لان الوادم اتريد الحرامي والثور وانا عمكم رجال عدل
صحيح انا اول مااصير بالمجلس اخذلي مرة امعدله واجر بيت بالولايه بس ايكلك الراتب خير من الله مليونين ماادري اشكد ومن غير الغاز والنفط الي يتحوسم رحمه من العزيز الجليل

وجا يابعد روحي خليهم ياخذون والي ماراضي خلي يوكف الهم اباب المجلس ويطردهم
واذا مابينه هده خلي نسكت وبالعافيه عليهم مال سايب شرعت بيه كل الدول ظلت على هذولي

وملاحظه اصغيرونه ---شفت بعيني رئيس مجلس بلدي من يطلع ايزور لو هاي وداعتك ايطلعه وياه اثنين وصل ايمددن اكبر شارب بالكاع واخو عمكم خرب على الوضعيه

عندان الزندوري
03-21-2011, 11:23 PM
الزميل احمد بعد التحية
صحيح الحكومة اذا يصير بيدها تشغل الموظفين بلاش حته هي تخمط الفلوس مالتهم !!هاهاهاها
ابو شهاب بس لو تصفن بيها شوية !!هيه الحكومة شنو؟والبرلمان شنو؟؟
هو البرلمان من نوع (كلنه نروح للبصرة)!!يعني همه اللي بالبرلمان يمثلهم اللي بالحكومة , واذا اتفقوا رؤساء الكِتل عله شي فاكيد راح يمشي ,,يعني هاي مال قرها البرلمان والجهة التشريعية وذني السوالف يمشوهن عله المساكين من ابناء الشعب العراقي العظيم الذي افشل مؤامرات الارهاب ومثلث البعث والتكفير -ووحده نسيتها-!!!هاهاهاهاها
واكيد فد واحد من الروس الكبار عنده اخوه لو ابن عمه عضو مجلس محلي فيريد يسويلهياه وراح هاي الوادم كلها تستفيد بسببه ,,وتره مو جديده,!!لان بتسريح حاتم مشحوت العراقي هم صار هيج شي !!
اما تكلي دراسة وجدوى ,فهاي سالفة عاضّة ...... !!صدكني الشعب سارح بكنفذ وميدري
تحياتي حبحب
شكراً وتحية

المنسي
03-21-2011, 11:42 PM
تم تعديل العنوان

المجالس المحلية تشكلت عام 2006 وليس عند دخول القوات الامريكية 2003

تم انتخابهم من قبل سكان المنطقة ( كل منطقة بمنطقتها )

عملهم هو كما قال الاخ عندان هو توزيع النفط والغاز بالاضافة الى التحرك على الدوائر

لتقديم الخدمات الى مناطقهم .

اغلبهم موظفين حكوميين

.................................................. ................................

بالنسبة للغاز كانت سيارة الغاز توزع الغاز مرة واحدة في الاسبوع ويكون مسؤؤل التوزيع هو المختار فقط .

اما سيارة النفط فهي توزع النفط على البطاقة التموينية كل شهر مرة واحدة وبأشراف وكتاب من المختار فقط .

والخدمات في المناطق لا حاجة لذكرها .
..............................................

اذن اين عمل المجالس المحلية .

بالنسبة للراتب التقاعدي فهو مليون وربع .

العاطل عن العمل يقدم معاملة تقاعد ( مع قسم اليمين ) واثنان شهود موظفين حكوميين

بالاضافة الى اثنان شهود من المجالس المحلية لمنطقته . ( تبادل الشهود ) .

بالنسبة للموظف الحكومي يقدم ما ذكر سابقا بالاضافة الى ( الاستقالة ) من وظيفته .

...................................

لي عودة للموضوع .

ابو تبارك الناصري
03-22-2011, 05:15 PM
المنسي " الباقي في ذاكرتي بالخير " حبي انت هم خلطت بين المجالس المحلية والبلدية

المحلية تشكلت منذ دخول الجيش الامريكي وبالناصرية تشكلت حتى قبل ان تسقط بغداد

وبعدين اجة بريمر وشرعه بقانون والبرلمان صادق عليه وهذولي المحلية بعدهم ماعدهم رواتب لحد هاللحضة والحجي عليهم 000 اما المجالس البلدية فمنتخبون كما يبدو وعدهم رواتب يستلموها وحجينة مو عليهم لان هذولي يستلمون والمحلية يردون يسلموهم اكو هيج ضجة حول تسليمهم رواتب تقاعدية مستفيدين من قانون المحالس المحلية والبلدية

هساع ماكو شي اسمة محلي اكو مجلس بلدي حل بمكانة باعضاء محدودين اما المجالس المحلية اعدادهم لا تعد ولا تحصى شكو واحد راح للسلطة المدنية لقوات التحالف وكاللهم اريد اساعد في توزيع الخدمات لمنطقتي سجلوه مجلس محلي ههههههههه هاي يعني على نيته ومثل مكا يكولون على نياتكم ترزقون

المهم خوية عندان والله اني على نياتي اصدك بكلشي يكولونة هههههههه هاي فقير وبيتنا بالاخير والله صدك فطيرة اني

اثاري ولا ادري باللطيفية شلون جانو يذبحون الناس وشلون الفلوجة والموصل جان الذبح بين تحالف التكفيريين والبعثيين

همزين كتلي ان هاي جذبة لان راحو بيهة هواي اصدقاء اعزاء حسبناهم شهداء انشاء الله يرجعون اللنة بالسلامة مادام طلعت السالفة جذب

وبعدين مسؤل جبير يريد يعين اقاربة هههههههههههه هاي اي خو يعينة وياه اقل شي بالحماية او باي دائرة يختارهة وطبعا من دون مؤهلات ولا يحتاج اي شي كبل يدخل مدير عام ههههههه هاي

المنسي
03-22-2011, 10:13 PM
اخي العزيز احمد ... معلوماتي صحيحة مية بالمية

المجالس التي شكلها الامريكان هي المجلس البلدي ... وكان رئيسه في الناصرية

شيروان الوائلي ونائبه سيد ناصر الذين عينوهم الامريكان

وبعد ذلك بسنتين تم حل ذلك المجلس

واجريت انتخابات شكلية ليس عن طريق المفوضية وانما انتخابات عن طريق البطاقة التموينية ولم يشارك بها الكثير من المواطنين . وقد قام احد الاحزاب بتجييش عناصره والانتخاب لاكثر من مرة عن طريق جمع البطاقة التموينية من العوائل
ورئيس المجلس البلدي الان في الناصرية هو من ذلك الحزب بالضافة الى اغلبية اعضاء المجلس من نفس الحزب .

...........................................

اما المجالس المحلية ( مدار موضوع الاخ عندان ) فهي المجالس المحلية التي اعطيتكم معلومات عنها .

وقد اجريت لهم انتخابات من مناطقهم وكانت في جوامع المنطقة . عام 2006 .
علما فقد رشحني اهالي منطقتي الى رئاسة مجلسهم المحلي ولكنني رفضت لانشاغلي بعملي .

والذين اصبحوا مكاني هم الان يراجعون من اجل التقاعد .

ارجوا ان تكون قد وضحت الفكرة .... ومجلس كل منطقة يتكون من قرابة 12 عضو .

ابو تبارك الناصري
03-23-2011, 01:15 AM
حبيب كلبي الي حجيته صحيح


وكل هذه حصل مال شروان وسيد ناصر وانتخابات ضيقة على فئة معينة بفتوى

هذا صحيح وكذلك صحيح اعيد تشكيل المجالس المحلية عام 2006

بس هية اصلها اول مادخلو الامريكان يمكن انت انتهتلهة من رادو يرشحونك


تذكر عادل الكويتي هية ايامهة جمعو شكو واحد جمع ببيته غراض من الفرهود مال دوائر الدولة يسجلونة مجلس محلي شكو واحد بدائرة حاول يعيد الدائرة للدوام

وحتى احنة لمينة كتب المكتبة مال الجامعة وجم كرسي من المحوسمات وصيحنة بسيارة بسماعة منو عندة غراض الجامعة حرام خل يرجعهة ولميناهة وبعدين سوينة حملة لاعادة الطلاب على الدوام وتشجيعهم

ودو علينة السلطة المدنية لقوات التحالف وكالو نسجلكم بالمجالس المحلية وجان اكو كبلنة ناس مسجلين

ورفضنة كلنة الا واحد من عدنة فرد واحد راح الهم وسجل

وبعدين همة اجونة للجامعة ايام الامتحانات وهم كبل 2006 وكالو شمحتاجة الجامعة انتو نريدكم تنسقون ويانة شمحتاجة وهم كلنة رفضنة الا ذاك الشخص الله يغفرلة كاللهم هاي ايام امتحانات وطلاب الاقضية محتاجين حماية لان يرحون ويرجعون بنفس اليوم

المهم ذاك وكت وهذة وكت بعد ما شفت الولد الجان ويانة بس تخرجنة والي سجلوه بالمجالس المحلية


واللي ذكرتة انت عن انتخابات الجوامع صحيح ب2006 بس الحدث سابق لل 2006

عندان الزندوري
03-23-2011, 07:47 AM
الزملاء بعد التحية ,
اعتقد ان كلام الزميل احمد صحيح ففي عام 2006 كانت هناك حكومة -على الاقل- المجالس المحلية تم تشكيلها قبل ذلك الوقت والراتب لا اعتقد مليون وربع بل اقل من مليون كما قال بعض اهل الشغلة !!!
الزميل البكاء
اني تره هم عندي خبرة بالعكل ويجوز تصير عكال لاكه عكال بس ما يصيح دن !!!تحياتي الك
الزميل احمد صقر ذي قار
لا هذا المسؤول ميريد يعينه لاقاربه , يريد يعينه كبل تقاعد , هاهاهاها فد يوم راد عدي ابنه لصدام عليه اللعنة والعذاب , يسرحه لحاتم مشحوت العراقي , فطلعوا فيكه بوقتها خلال اسبوع تسرح اللي مثل حالة حاتم , وفد مرة قبل منتصف الثمانينات -سولفلياها المشرف مالتي- يكول انه كان وزير التعليم اخوه يدرس بفرنسا ودكتوراه دولة مالتهم جان بالعراق يعادلوها ماجستير فصدر قرار عادلها بالدكتوراه علمود اخوه وشوف انته شكد استفادوا !!!هيه من ذني السوالف اجت مقولة العراقيين المعروفة (خل الحك عليه لا يخلص)
والحكومة عودتنا على كل شي صحيح ومنطقي يعني نكدر نعرف شكد الحكومة تريد تداري افراد شعبها وتقدمهم من مشروع قرار ميلس الوزراء الخاص بالعفو عن المزورين !!!ومن مشروع قرار اطفاء الديون الزراعية لاهل الانبار ورفض حالة اهل البصرة!!! وهواي قرارات اذا نراجع سيرة الحكومة تبين مدارية مصالحنه !!هاهاهااهاهاها...
ومثلث البعث والتكفير والارهاب , خوش شماعة بحيث قبل التحقيق يطلع السيد ريس الوزرا يكول المثلث !!محترف الرجل تعرف اكيد!!
هسه منفرح اذا اكو حكومة عادلة وبيها خير لشعبها , على الاقل يلوحنه شوية من الخير !!
شكراً وتحية لكم وللي فكر برواتب المجالس المحلية!!

المشرفاوي
03-24-2011, 01:29 PM
انالاارى اي دور للمجالس المحلية في الوقب الحاضر
وان وجودها من عدمه واحد.لان توزيع النفط و الغاز فيوزع من قبل مخاتير المناطق اما التعينات فمن الوزارات واماالخدمات فمن البلديةواما الامن فمن قوات الامن؟اذا ماهو دو المجلس البلدي او المحلي؟وعلية الغاء المجالس اولا من بقائها.................