المساعد الشخصي الرقمي

مشاهدة النسخة كاملة : موسوعة شعراء الغراف


عبد الرماحي
09-24-2010, 09:56 PM
بسم الله الرحمن الرحيم
السلام عليكم
معي الان الاخوه الشعراء صلاح الخفاجي وغفار السعداوي
غفار السعداوي

خاطاني زماني خوط بلخاط
روحي وجرجراها حيل بلخاط
كل عقلك جرح يراف بلخاط
اثر عطاب خيطك ضال بيه

صلاح الخفاجي
يلج بيه زماني لوج ملاج
ويروحي الماتريده الكاع ملاج
صرت عامل عكب ماجنت ملاج
خادم والخلك تامرعليه
غفار السعداوي
روحي عليك جارت جور بلجار
جاري وصه جاره عليك بلجار
اذا تابت اذان الناس بلجار
اجر اثنين اذاناتي سويه
صلاح الخفاجي
المصايب دوف روحي بوحل دفان
وركص ركصن عليه وطبل دفان
صرت بطران كلت اشتغل دفان
اشما احفر كبر ينهدم بيه
غفار السعداوي
الوكت لملم مصابه علي وجفاه
وشعل نيران وصط الكلب وجفاه
خبره الشماته بفرح وجفاه
جفه من دارت ام الحول بيه
صلاح الخفاجي
وحك من زار بيت الله وطف بيه
شتعل نيران الك كلبي وطف بيه
بيقظه من يمر شخصك وطيف بيه
افز ومشكك الثوب العليه
غفار السعداوي
الوكت حشم اجيوشه حاط بيه
اسهامه وماخطاني حاط بيه
اجه شايله موكد حاط بيه
طفت ناره وزمانه احترك بيه
صلاح الخفاجي
شمطم بيه الوكت حفار لطماي
بجيت وحتى جفن العين لطماي
صرت شمهوده بس مافاد لطماي
الطم والمذمه ترس بيه
الرماحي
عليت على المصايب ماعلني
بعزم ولسان شامت ماعلني
انه والله اليالي ماعلني
يعلني الموش كدره المحشيه
الرماحي\
اليوم اجلي وشرابي اصبحن مرات
ولا مره طروشك علي مرات
بجيت انه على حالك يخي مرات
ولا مره بجيت انته عليه
الكاتب صلاح الخفاجي
/9/201023

عبد الرماحي
09-24-2010, 10:05 PM
مساجله من الدارميات
دارت بين نبذه من شعراء من ناحية الغراف
في يومالسبت المصادف 14\8\2010


اتمنه موتي يصير من تكصر الايد
اشلون اذا رمضان خلص وجه العيد
صبارالخفاجي


بطران اجاني العيد وشعنده باقي
هيه العياد اتلوك وي العراقي
كرار المفضل


نحسب احساب العيد نتنطر العيد
بس مايجينه العيد مادامك بعيد
غفار السعداوي

باجر يجينه العيد بس جنه موعيد
للموت اضل حزنان جيه لنك بعيد
غالب الخفاجي

لتكلنه باجر عيد خلينه صيام
مابيه ابو الحسنين ويفرح اليتام
حيدر الرماحي

منك وحق عيناك كلشي انه ماريد
بس الزعل تنساه وي ترة العيد
اياد الاخرس

بس الك يحلى العيد يل جنك العيد
عيدنه من شفناك مانلبس اجديد
على العسكري

بلعيد اعيد عود كل ضنك انته
عيدي انه من جافيت مات ودفنته
صلاح الشاعر
كالولي باجر عيد والهم لفاني
ما عندي اسم الثوب شلبس كواني؟؟
عراق السعداوي

عبد الرماحي
09-24-2010, 10:10 PM
كون بس وياك انه اتمنيت اعيش


كون بس وياك انه اتمنيت اعيش


كون بس وياك اخلصنه العمر


اصبر بلياك هم تعقله هاي


انته تعقله بعد بيه صبر


صبر والعين تدمع ياصبرباي


عليك وخلص عمري ياصبر باي


اكله اصبر يكلي ياصبرباي


تصور بلجذب ماحن عليه


وصحت ماريد العمر بعدك تعال


هو من بعدك يضل اسمه عمر


شلون يسمى عمر مابيه صداك


وصده صوتك ناصب بروحي وطر


الك بورح الف ونه وطرلك


والك لوعات بكليبي وطر لك


لون يشيلني جناحي وطرلك


وراويك اشكثر شوغات بيه


ومن تمرني الخاطرك كلشي يهون


الوعه وشوغات وسنين الهجر


بكثر روحي وشوكه بكد مشتهاي


الشوفتك مشتاك احس بهل كثر


اانه زاعلت السهر بس بلسان


ومن يمرني اليل ماعرف السهر


صح انام اليل موشغلت نعاس


حتى اشوفك بلحلم بلكي تمر


ولذالك عمري خلصته نتظار


وحتى لو نايم اضل بس انتظر


الكلت ماتاني منه بس اتاني


الهجر بسته بغيابه بس اتاني


العمر خلصته وانه بس اتاني

انتظر لو بلحلم وتمر عليه
بقلم صلاح الخفاجي

عبد الرماحي
09-24-2010, 10:29 PM
ومضات
خل يوسف يجي ويمر عليك شلون
من مر ع النساء انطنه اصابعهن
مر عليك يوسف شاف بيك اوصاف
مالحك يكصهن شلع شلعهن
غفار السعداوي

يوسف بجمال امدوخ الناس
ومن شافته الوادم صلو الله
بس انته بجمالك حتى يوسف داخ
من شافك توضى واذن وصلى
صلاح الخفاجي

شايل معجزه شنهو الجمال البيك
اعتقد مو طين ربك ذهب خسرته
لو صاير كبل تدري انته شنهو يصير
زليخه اتعوف يوسف والسبب انته
غفار السعداوي
يوسف من دخل صح كطعوله جفوف
ومن حدة جماله الباب داخ الباب
بس انه اعتقد لو انته طبيت
تنعاف الجفوف اطير بيه اركاب
صلاح الخفاجي

شنو ذنب الكلب يتحمل الوعات
لان تدري يحبك هيج جازيته
لو شايل جمال اليوسف اسويت
مافاتده الجمال ابير تاليته
غفار السعداوي

لحضه كلي منيلك هذا الجمال
وجمال منهد يوسف منقرض
انته ربك اعتقد من كوناك
راد بيك يشوف يوسف ع الارض
يعني يوسف انته كلش لامحال
يعني واجب لازم انطيعك فرض
صلاح الخفاجي

عبد الرماحي
09-24-2010, 10:42 PM
ومضات غزل
من شفت الكمر شفته احلى مخلوق
وجنت اكتب شعر وصف جماله
ومن شفتك بعد شكتب شعر محتار
اذا هو الكمر ذب استقاله
صلاح الخفاجي

انعكد وحده لساني من سمع صوتك
وبموقف حرج وياك خلاني
الساني انعكد بس من جمال الصوت
يمكن من اشوفك ابلع الساني
غفار السعداوي

انته ايه النزلت بحق الجمال
وحارو العلام شئ فسرونك
فسرو مقطع فقط من العيون
وطلع ثلثين الجمال اعيون
صلاح الخفاجي

الورد شنهو الورد لو عطره من يفوح
انه اشك بلورد باك العطر بوكه
لان انه حبيبي من يطب للوح
اشوف الورد كله يدنك الشوكه
غفار السعداوي

يل شعرك سرح يتمايل اويلريح
ويلعيونك رصاص وتكتلك النظره
اشكد شايف بشر ماشفتك بهل كون
ولا شايف بشر بس يكتل بخزره
صلاح الخفاجي

الفرزدق
09-24-2010, 11:02 PM
الاخ العزيز الرماحي تحياتي لك وللشعراء الذي
صاغو هذه الكلمات الجميله شكرا لك على المجهود

لابد ماالك علدرب مرات
وذكرك بليالي شلون مرات
مو مره خنت وياي مرات
وهم عندك امل تتصل بيه

عبد الرماحي
09-24-2010, 11:15 PM
الاخ العزيز الرماحي تحياتي لك وللشعراء الذي
صاغو هذه الكلمات الجميله شكرا لك على المجهود

لابد ماالك علدرب مرات
وذكرك بليالي شلون مرات
مو مره خنت وياي مرات
وهم عندك امل تتصل بيه
اخوي ابوليث كل الهلابيك بموسوعة الغراف
انت اخوي العزيز وتبقى عزيز وماقصرت وياك
ليش هجي اني خاين

ابدا ماامر عليك ... مرات
واذجرك بكل حرف مكتوب مرات
من تفتح اميلك شفت مرات
تهج ولاترد انت عليه

الفرزدق
09-24-2010, 11:39 PM
اليك ياعبد واريد اترد

لون تدري عليه شكثر مرات
مرن ونته مافد يوم مرات
تدري اشتاك الك ياعبد مرات
وتهد روحي اعله صوب الناصريه

صلاح الخفاجي
09-24-2010, 11:57 PM
شمالك يادهر وياي مريت
عليه وبس اصيحن ريت مريت
على بابك بلكي اشوفك عود مريت
ويعل مرت الكشره اتكون اليه

عبد الرماحي
09-25-2010, 12:04 AM
من تجفي يحجي كلت مرات
اطب للبيت زحمه علي مرات
اذا تشتاك بحكم الصدف مرات
انه بطرواك كل صبح ومسيه

الفرزدق
09-25-2010, 12:13 AM
اشعجب مرة الكشرة يوم مريت
وحنه اكلوبنه لزين مريت
هله ابجيتك عليه عبد مريت
صلاح وياك جيبه ايمر عليه

هههههههههههههههههه
حشمك عليه ابو زهراء مايكدر يرد

صلاح الخفاجي
09-25-2010, 12:24 AM
صبحت دنياي كلش مره مره
فقط مره حلتلي مره مره
صديجك من يمره الضيج مره مره
عسى ان يزهي دهره ويصف ميه

عبد الرماحي
09-25-2010, 12:25 AM
يعل مرتكم اتكون اسرور وافراح
وردت دهري يطاوع يوم وافراح
صديجي الجنت احسن بيه وفيراح
شمت من كثرن الطكات بيه

محمد الغزي
09-25-2010, 12:28 AM
اخي الرماحي تحيه لك على النقل الجميل وتحيه الى شعراء الغراف والغراف ناحيه جميلة وتحيه الى جسر شنونه هذا الجسر الذي كنت اذهب اليه بصغري وتحيه الى كوكب واهل الغراف اهل الكرم والشجاعه وطيبة القلب

امثال القنديين

والمرحوم جابر كسار

وسيد علي ال سيد جابر

والمرحوم حمود ابو وحيد

وكاضم ال محيسن

والمرحوم كاضم ال زوري

والمرحوم وحيد ال درار


والكثير منهم اذا ما خانتني الذاكره فتحيه لك يا عبد الرماحي

صلاح الخفاجي
09-25-2010, 12:33 AM
[اشعجب مرة الكشرة يوم مريت
وحنه اكلوبنه لزين مريت
هله ابجيتك عليه عبد مريت
صلاح وياك جيبه ايمر عليه
[/color][/size][size=6]
هههههههههههههههههه
حشمك عليه ابو زهراء مايكدر يرد[/



امر اعليك ياطيب بلفراح
وصفك لوشفت شخصك بلفراح
يصاحب راح كل عمري بلفراح
يلفني وضل يلف ويدور بيه

صلاح الخفاجي
09-25-2010, 12:35 AM
اخي الرماحي تحيه لك على النقل الجميل وتحيه الى شعراء الغراف والغراف ناحيه جميلح وتحيه الى جسر شنونه هذا الجسر الذي كونت اذهب اليه بصغري وتحيه الى كوكب واهل الغراف اهل الكرم والشجاعه وطيبت القلب

امثال القنديين

والمرحوم جابر كسار

وسيد علي ال سيد جابر

والمرحوم حمود ابو وحيد

وكاضم ال محيسن

والمرحوم كاضم ال زوري

والمرحوم وحيد ال درار


والكثير منهم اذا ما خانتني الذاكره فتحيه لك يا عبد الرماحي



وتحياتي الك يامحمد الغزي صراحه اني جوارين كاظم محيسن فدعوه اله بصحه والعافيه

عبد الرماحي
09-25-2010, 12:37 AM
اخي الرماحي تحيه لك على النقل الجميل وتحيه الى شعراء الغراف والغراف ناحيه جميلح وتحيه الى جسر شنونه هذا الجسر الذي كونت اذهب اليه بصغري وتحيه الى كوكب واهل الغراف اهل الكرم والشجاعه وطيبت القلب

امثال القنديين

والمرحوم جابر كسار

وسيد علي ال سيد جابر

والمرحوم حمود ابو وحيد

وكاضم ال محيسن

والمرحوم كاضم ال زوري

والمرحوم وحيد ال درار


والكثير منهم اذا ما خانتني الذاكره فتحيه لك يا عبد الرماحي
خويه محمد هذا مو نقل على الهواء مباشرة
اني وصلاح وابوليث واذا مسموعه ابيات الابو ذيه
بعد منكرب للشعر

انمارالنصرالله
09-25-2010, 12:41 AM
بارك الله فيك ياالرماحي وبالشعراء المبدعين

عبد الرماحي
09-25-2010, 12:47 AM
عاني ومعتني القلعه مره جيتك
وماكتلي شعندك مره جيتك
تعيرني يخايب مره جيتك
وتحشم ليث والباوي عليه

صلاح الخفاجي
09-25-2010, 12:49 AM
سلمت اناملكم

محمد الغزي
09-25-2010, 01:03 AM
اخي الرماحي هاولا الذين ذكرتهم يستحق علينا نذكرهم في كول مكان ومو عيب احنه انجيب طاريهم احنه مذكرناهم بسو بل بطيبت نفوسهم الرائعه تحيه لك اخي

عبد الرماحي
09-25-2010, 01:14 AM
اخي الرماحي هاولا الذين ذكرتهم يستحق علينا نذكرهم في كول مكان ومو عيب احنه انجيب طاريهم احنه مذكرناهم بسو بل بطيبت نفوسهم الرائعه تحيه لك اخي
عاني ومعتني القلعه مره جيتك
وماكتلي شعندك مره جيتك
تعيرني يخايب مره جيتك
وتحشم ليث والباوي عليه
ههههههههههههههههههههههه
ليث والباوي اولاد الفرزدق خوش
بس انت ليش عصبي اليوم يلله كوم اغسل
وجهك

محمد الغزي
09-25-2010, 01:20 AM
الرماحي انته حبيبي انه ممحشم عليك احد انته تعرفني زين وبعدين منو كلك انه انعس حته اغسل وجهي ايجوز انته طافيه عدكم الكهرباء


فئنته غسل وجهك ههههههههههههههه

عبد الرماحي
09-25-2010, 01:05 PM
الرماحي انته حبيبي انه ممحشم عليك احد انته تعرفني زين وبعدين منو كلك انه انعس حته اغسل وجهي ايجوز انته طافيه عدكم الكهرباء


فئنته غسل وجهك ههههههههههههههه
مو كتلك اتنعس الفرزدق اللي كال عبد حشم صلاح
شكرا لمرورك المعطر بنكهة الضحك

محمد الغزي
09-25-2010, 08:14 PM
تحيه الك ولضيوفك الذين نورو متصفحك

صلاح الخفاجي
09-28-2010, 11:11 PM
سلم بل جذب لاتـــــمر سكته شبـــــيك
تصد عن عيني هسه شغيرك كـــــــلي
انه متاني تجيني اتجيب عمري وياك
اذا زعــــــــــــلان مني بلعـــــــمر شلي

المضفر
12-27-2010, 08:06 PM
اولا انت تعبان ومنتداك تعبان
وانت لاتقرا ولاتكتب
متعجب بسيارتك الفاره
وانت مو من الرماحة
وبهاراتك نايمات على كلبك
اتبيع تتن تكلهم نشوك
وتبيع نشوك تكلهم تتن
وسكرا الك